ལེགས་བཤད་ལེའུ་དགུ་པ།

Proverbs 9

1 ཤེས་རབ་ངོ་མ་ཡིས་དེའི་ཁང་པ་བརྒྱབ།

     དེའི་ཀ་བ་བདུན་བསྐྲུན།

2 ཤ་ཞིམ་པོ་གྲ་སྒྲིག་བྱས།

     རྒུན་འབྲུམ་ཨ་རག་ལ་བྲོ་བ་ཞིམ་པོ་བསྲེས།

     ཟས་ཅོག་ཡང་གྲ་སྒྲིག་བྱས།

3 དེ་ཡིས་གཡོག་མོ་རྣམས་བཏང་།

     གྲོང་ཁྱེར་གྱི་མཐོ་ས་ནས་འབོད་དུ་བཅུག

4 “མི་སུས་ཀྱང་ཉམས་མྱོང་མ་འདང་ན་འདིར་ཤོག་དང”

     ཤེས་རབ་ཀྱིས་མི་རྨོངས་པ་རྣམས་ལ་བཤད།

5 “འདོར་ཤོག་དང་། ངའི་བག་ལེབ་བཟོ་ཞིག

     ངས་གྲ་སྒྲིག་བྱས་པའི་ཨ་རག་འཐུང་དང་།

6 ཉམས་མྱོང་མེད་པའི་གནས་སྟངས་དང་བྲལ་ནས་ཚེ་སྲོག་སྲུང་ཞིག

     གོ་རྟོགས་ནུས་རྩལ་བེད་སྤྱོད་པའི་ལམ་ཐོག་མདུན་སྐྱོད་བྱེད་དང”

7 འཕྱ་སྨོད་བྱེད་མཁན་ལ་སློབ་གསོ་བརྒྱབ་ན་རང་ཉིད་ངོ་ཚ་པོ་བཟོ།

     མི་ངན་ལ་སྐྱོན་བརྗོད་བྱས་ན་རང་ཉིད་ལ་གནོད་འཚེ་ཕོག

8 འཕྱ་སྨོད་བྱེད་མཁན་ལ་སྐྱོན་བརྗོད་མ་བྱེད་དང་། ཁོས་ཁྱོད་ལ་སྡང་ཡོང་།

     ཤེས་རབ་ཅན་ལ་སྐྱོན་བརྗོད་བྱེད་དང་། མི་དེ་ཁྱོད་ལ་དགའ་པོ་ཡོང་།

9 ཤེས་རབ་ཅན་ལ་སློབ་གསོ་སྤྲོད་དང་། མི་དེར་ཤེས་རབ་དེ་བས་ཆེ་བ་འཐོབ།

     དྲང་བདེན་གྱི་མི་ལ་སློབ་སྟོན་བྱེད་དང་། མི་དེར་སློབ་སྦྱོང་དེ་བས་མང་བ་འཐོབ།

10 ཡ་ཧོ་ཝཱ་ལ་གུས་བརྩི་ཞུ་བ་ནི་ཤེས་རབ་ཀྱི་ཐོག་མ་ཡིན།

     ཁྱད་དུ་འཕགས་པའི་དཀོན་མཆོག་གི་སྐོར་ཤེས་ན་མི་ལ་གོ་རྟོགས་ནུས་རྩལ་འཐོབ།

11 ཤེས་རབ་ལ་བརྟེན་ནས་ཁྱོད་ཀྱི་མི་ཚེའི་ཉིན་མང་དུ་འགྲོ།

     ཁྱོད་ཀྱི་མི་ཚེ་རིང་དུ་འགྲོ།

12 ཁྱོད་ལ་ཤེས་རབ་ཐོབ་ན་རང་ཉིད་ལ་ཕན་ཐོགས་འཐོབ།

     འོན་ཀྱང་ཁྱོད་འཕྱ་སྨོད་བྱེད་པ་ལ་དགའ་ན་ཁྱོད་གཅིག་པོས་དེའི་རྗེས་འབྲས་ཟ་དགོས།

13 བུད་མེད་གླེན་པ་ནི་རྟག་པར་འུར་ཅོར་རྒྱག

     ཤེས་བྱ་མེད་ལ་གང་ཡང་ཧ་མི་གོ།

14 ཁོ་མོ་ཁང་པའི་སྒོ་འགྲམ་དང་།

     གྲོང་ཁྱེར་གྱི་མཐོ་སར་བསྡད་ནས།

15 འགྲོ་འོང་བྱེད་མཁན་ལ།

     ལམ་ཁ་ཐོག་ཤར་ཀྱག་མདུན་སྐྱོད་བྱེད་མཁན་ལ་འབོད།

16 “ཉམས་མྱོང་མེད་པའི་མི་སུ་ཞིག་ཀྱང་འདིར་ཤོག་དང” ཞེས་བཤད།

     ཁོ་མོས་རྨོངས་པ་རྣམས་ལ་བཤད།

17 “རྐུན་མ་རྐུས་པའི་ཆུ་ནི་སྔར་མོ་ཡིན་ལ།

     ལྐོག་ཏུ་ཟ་བའི་ཟས་ཞིམ་པོ་ཡོད”

18 འོན་ཀྱང་མི་དེས་ཁོ་མོའི་སྡོད་སར་ཡོང་བའི་མི་ཚང་མ་ཚེ་སྲོག་ཤོར་བ་དང་།

     ཁོ་མོའི་མགྲོན་པོ་རྣམས་དུར་སའི་འོག་ཏུ་ཡོད་པ་མི་ཤེས།